DSP ਸੇਖੋਂ ਨੇ ਵਿਜੀਲੈਂਸ ਦਫ਼ਤਰ ਅੱਗੇ ਜਾ ਲਿਆਂਦੀ ਕਾਂਗਰਸੀਆਂ ਦੀ ਨ੍ਹੇਰੀ, ਵੜਿੰਗ, ਘੁਬਾਇਆ, ਤੇ ਆਸ਼ੂ ਕੋਈ ਨਹੀਂ ਬਖਸ਼ਿਆ

ਆਮ ਆਦਮੀ ਪਾਰਟੀ ਨੇ ਆਸ਼ੂ ਨੂੰ ਵੀ ਉਵੇਂ ਹੀ ਛੱਡ ਦੇਣਾ ਜਿਵੇਂ ਮਜੀਠੀਏ ਨੂੰ ਛੱਡਿਆ। ਜਿਵੇਂ ਸਿਰਸੇ ਆਲੇ ਸਾਧ ਦਾ ਵਕੀਲ ਐਡਵੋਕੇਟ ਜਨਰਲ ਲਾ ਕੇ ਸਿੱਖਾਂ ਦਾ ਮਜਾਕ ਉਡਾਇਆ।ਪਰ ਡੀਐਸਪੀ ਸੇਖੋਂ ਦੀ ਹਿੰਮਤ ਦੀ ਦਾਦ ਦੇਣੀ ਬਣਦੀ ਹੈ। ਕੱਲ ਨੂੰ ਜੇ ਸੇਖੌਂ ਨੂੰ ਕੁੱਝ ਹੁੰਦਾ ਹੈ ਤਾਂ ਉਸ ਦੀ ਜਿੰਮੇਵਾਰ ਆਮ ਆਦਮੀ ਪਾਰਟੀ ਹੋਵੇਗੀ।
#ਮਹਿਕਮਾ_ਪੰਜਾਬੀ

ਰਾਜਾ ਵੜਿੰਗ ਨੇ ਆਖਰ ਭਾਜਪਾ ‘ਚ ਹੀ ਜਾਣਾ
ਰਾਜਾ ਵੜਿੰਗ ਨੇ ਬਾਦਲਾਂ ਦੀਆਂ ਬੱਸਾਂ ‘ਤੇ ਛਾਪੇ ਮਾਰਨ ਦਾ ਬੜਾ ਡਰਾਮਾ ਚਲਾਇਆ। ਇਸ ਡਰਾਮੇ ਦਾ ਰਾਜੇ ਨੂੰ ਸਿਅਸੀ ਤੌਰ ‘ਤੇ ਫਾਇਦਾ ਹੋਇਆ ਤੇ ਬਾਦਲਾਂ ਨੇ ਇਸ ਨੂਰਾਕੁਸ਼ਤੀ ਦਾ ਫਾਇਦਾ ਅਪਣੇ ਕਾਗਜ ਪੂਰੇ ਕਰਕੇ ਲਿਆ। ਬਾਦਲਾਂ ਦੀਆਂ ਬੱਸਾਂ ਅੱਜ ਵੀ ਉਵੇਂ ਹੀ ਚਲਦੀਆਂ ਨੇ। ਰਾਜੇ ਵੜਿੰਗ ਦੇ ਮਾਰੇ ਛਾਪਿਆਂ ਦਾ ਕੋਈ ਅਸਰ ਨਹੀਂ ਦਿਖਦਾ। ਇਸ ਗੱਲ ਬਾਰੇ ਬਹੁਤ ਘੱਟ ਲੋਕਾਂ ਨੂੰ ਪਤਾ ਕਿ ਜਦੋਂ ਮੌੜ ਬੰਬ ਕਾਂਡ ਵਿੱਚ ਬਲਾਤਕਾਰੀ ਸਾਧ ਦਾ ਰੋਲ ਸਾਹਮਣੇ ਆਇਆ ਤਾਂ ਰਾਜਾ ਉਨਾਂ ਸਿਆਸਤਦਾਨਾਂ ‘ਚੋਂ ਸੀ ਜਿਸ ਨੇ ਉਹ ਮੌੜ ਧਮਾਕੇ ਦੀ ਤਫਤੀਸ਼ ਰੁਕਵਾਉਣ ‘ਚ ਮੁੱਖ ਭੂਮਿਕਾ ਨਿਭਾਈ।ਜਦੋਂ 2019 ਵਿੱਚ ਪਹਿਲੀ ਵਾਰ ਕੈਪਟਨ ਅਮਰਿੰਦਰ ਸਿੰਘ ਦੇ ਖਿਲਾਫ ਵਿਦਰੋਹ ਹੋਇਆ ਤਾਂ ਰਾਜਾ ਵਿਦਰੋਹ ਕਰਨ ਆਲਿਆਂ ਦੇ ਨਾਲ ਸੀ। ਪਰ ਫੇਰ ਇਸ ਨੇ ਕੈਪਟਨ ਦਾ ਸਿਆਸੀ ਸਲਾਹਕਾਰ ਬਣਨਾ ਮੰਨ ਕੇ ਕੈਬਨਿਟ ਰੈਂਕ ਦੇ ਲਾਲਚ ‘ਚ ਕੈਪਟਨ ਵਿਰੋਧੀ ਮੁਹਿੰਮ ਦੀ ਫੂਕ ਕੱਢ ਦਿੱਤੀ। ਨਹੀੰ ਤਾਂ ਕੈਪਟਨ ਬਹੁਤ ਪਹਿਲਾਂ ਮਗਰੋਂ ਲਹਿ ਜਾਂਦਾ। ਜਦੋਂ ਸਾਫ ਹੋ ਗਿਆ ਕਿ ਹੁਣ ਕੈਪਟਨ ਨੇ ਨਹੀਂ ਰਹਿਣਾ ਤਾਂ ਰਾਜਾ ਨਵਜੋਤ ਸਿੱਧੂ ਦੇ ਮੋਢਿਆਂ ‘ਤੇ ਚੜ ਕੇ ਮੰਤਰੀ ਬਣ ਗਿਆ। ਪਰ ਜਦੋਂ ਦਾ ਨਵਜੋਤ ਸਿੱਧੂ ਜੇਲ ‘ਚ ਗਿਆ। ਰਾਜੇ ਨੇ ਇਕ ਵਾਰ ਵੀ ਮੁਲਾਕਾਤ ਨਹੀਂ ਕੀਤੀ।

ਸਿੱਧੂ ਤਾਂ ਕਤਲ ਦੇ ਮਾਮਲੇ ਦੇ ਵਿੱਚ ਜੇਲ ‘ਚ ਆ।ਪਰ ਰਿਸ਼ਵਤਖੋਰ ਬਦਨਾਮ ਆਸ਼ੂ ਆਸਤੇ ਰਾਜੇ ਨੇ ਸਾਰੀ ਕਾਂਗਰਸ ਦਾ ਸਾਹ ਫੁਲਾ ਰੱਖਿਆ। ਇੰਦਰਾ ਗਾਂਧੀ ਦੀ ਫੋਟੋ ਵਾਲੀ ਟੀਸ਼ਰਟ ਪਾਓਣ ਵਾਲੇ ਰਾਜੇ ਵੜਿੰਗ ਨੇ 2019 ਦੀਆਂ ਚੋਣਾ ਵਿੱਚ ਹਿੰਦੂਆਂ ਦੀਆਂ ਵੋਟਾਂ ਇਹ ਕਹਿ ਕੇ ਲੈਣ ਦੀ ਕੋਸ਼ਿਸ਼ ਕੀਤੀ ਕਿ ਸਿੱਖ ਖਾੜਕੂ ਹਿੰਦੂਆਂ ਨੂੰ ਮਾਰਦੇ ਰਹੇ ਨੇ। ਜਦੋਂ ਅੱਜ ਸੁਖਪਾਲ ਖਹਿਰੇ ਨੇ ਕਿਹਾ ਕਿ ਸਾਡੇ ਮੂਹਰੇ ਬੇਅਦਬੀ ਵਰਗੇ ਸੰਜੀਦਾ ਮੁੱਦੇ ਪਏ ਨੇ। ਉਧਰ ਧਿਆਨ ਦੇਈਏ ਤਾਂ ਰਾਜੇ ਨੂੰ ਮਿਰਚਾਂ ਲੱਗ ਗਈਆਂ। ਕਿਉਂ ਕਿ ਅਕਾਲੀਆਂ ਤੋਂ ਬਾਅਦ ਮਾਲਵੇ ‘ਚੋਂ ਰਾਜਾ ਵੜਿੰਗ ਹੀ ਅਜਿਹਾ ਸਿਆਸਤਦਾਨ ਹੈ ਜੋ ਕਦੇ ਵੀ ਬੇਅਦਬੀਆਂ ਦਾ ਮੁੱਦਾ ਨਹੀਂ ਚੁੱਕਦਾ।

ਬਦਨਾਮ ਆਸ਼ੂ ਵਾਸਤੇ ਰਾਜਾ ਜੋ ਜੋਰ ਲਾ ਰਿਹਾ ਇਹ ਕਾਂਗਰਸ ਦੀਆਂ ਬਚੀਆਂ ਖੁਚੀਆਂ ਜੜਾਂ ਵਿੱਚ ਤੇਲ ਦੇਣ ਵਾਲੀ ਗੱਲ ਹੈ। ਅੰਤ ਨੂੰ ਰਾਜੇ ਨੇ ਵੀ ਭਾਜਪਾ ਹੀ ਜੁਆਇਨ ਕਰਨੀ ਹੈ।
#ਮਹਿਕਮਾ_ਪੰਜਾਬੀ