Diljit Dosanjh Net Worth: ਫਰਾਰੀ, ਔਡੀ, ਮਰਸਡੀਜ਼ ਦੇ ਮਾਲਕ ਹਨ ਦਿਲਜੀਤ ਦੋਸਾਂਝ, 150 ਕਰੋੜ ਰੁਪਏ ਹੈ ਦੀ ਜਾਇਦਾਦ

Diljit Dosanjh Net Worth: ਅੱਜ ਮਸ਼ਹੂਰ ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਦਾ ਜਨਮ ਦਿਨ ਹੈ। ਉਨ੍ਹਾਂ ਦਾ ਜਨਮ 6 ਜਨਵਰੀ 1984 ਨੂੰ ਹੋਇਆ ਸੀ। ਦਿਲਜੀਤ ਨੇ ਬਹੁਤ ਹੀ ਘੱਟ ਸਮੇਂ ਵਿੱਚ ਪੰਜਾਬੀ ਇੰਡਸਟਰੀ ਦੇ ਨਾਲ ਬਾਲੀਵੁੱਡ ਵਿੱਚ ਆਪਣਾ ਇੱਕ ਸਥਾਨ ਬਣਾ ਲਿਆ ਹੈ।

ਸਿੰਗਰ, ਐਕਟਰ ਹੋਣ ਦੇ ਨਾਲ-ਨਾਲ ਉਹ ਇੱਕ ਵਧੀਆ ਕਾਮੇਡੀਅਨ ਵੀ ਹੈ। ਉਨ੍ਹਾਂ ਦੀ ਪਹਿਲੀ ਪੰਜਾਬੀ ਫਿਲਮ ‘ਦ ਲਾਇਨ ਆਫ ਪੰਜਾਬ’, ਜੋ ਬਾਕਸ ਆਫਿਸ ‘ਤੇ ਫਲਾਪ ਸਾਬਤ ਹੋਈ, ਪਰ ਫਿਲਮ ‘ਲੱਕ 28 ਕੁੜੀ ਦਾ’ ਦਾ ਇਕ ਗੀਤ ਬਹੁਤ ਸਫਲ ਰਿਹਾ।

ਉਸਨੇ ਬਲਾਕਬਸਟਰ ਪੰਜਾਬੀ ਫਿਲਮ ‘ਜੱਟ ਐਂਡ ਜੂਲੀਅਟ’ ਭਾਗ 1 ਅਤੇ 2, ‘ਪੰਜਾਬ 1984’, ‘ਜੀਨੇ ਮੇਰਾ ਦਿਲ ਲੁਟਿਆ’, ‘ਡਿਸਕੋ ਸਿੰਘ’ ਵਰਗੀਆਂ ਸੁਪਰਹਿੱਟ ਫਿਲਮਾਂ ਨਾਲ ਪ੍ਰਸਿੱਧੀ ਹਾਸਲ ਕੀਤੀ।

ਦਿਲਜੀਤ ਨੇ ‘ਉੜਤਾ ਪੰਜਾਬ’ ਵਿੱਚ ਮੁੱਖ ਭੂਮਿਕਾ ਨਾਲ ਆਪਣਾ ਬਾਲੀਵੁੱਡ ਡੈਬਿਊ ਕੀਤਾ ਤੇ ਅਕਸ਼ੇ ਕੁਮਾਰ ਦੇ ਨਾਲ ਗੁੱਡ ਨਿਊਜ਼ ਵਿੱਚ ਆਪਣੀ ਐਕਟਿੰਗ ਅਤੇ ਕਾਮੇਡੀ ਨਾਲ ਦਰਸ਼ਕਾਂ ਨੂੰ ਪ੍ਰਭਾਵਿਤ ਕੀਤਾ।

ਸਿੰਗਰ ਤੇ ਐਕਟਰ ਦਿਲਜੀਤ ਦੋਸਾਂਝ ਨੇ ਪੰਜਾਬੀ ਤੇ ਹਿੰਦੀ ਦੋਵਾਂ ਉਦਯੋਗਾਂ ‘ਚ ਆਪਣੇ ਲਈ ਇੱਕ ਸਥਾਨ ਬਣਾਇਆ ਹੈ। ਅੱਜ ਉਹ ਪੰਜਾਬੀ ਸਿਨੇਮਾ ‘ਚ ਸਭ ਤੋਂ ਵੱਧ ਤਨਖਾਹ ਲੈਣ ਵਾਲੇ ਸਿਤਾਰਿਆਂ ਵਿੱਚੋਂ ਇੱਕ ਹੈ।

ਖਬਰਾਂ ਮੁਤਾਬਕ ਦਿਲਜੀਤ ਦੋਸਾਂਝ ਦੀ ਕੁੱਲ ਜਾਇਦਾਦ ਲਗਭਗ 150 ਕਰੋੜ ਰੁਪਏ ਹੈ। ਦਿਲਜੀਤ ਫਿਲਮਾਂ ਤੇ ਲਾਈਵ ਕੰਸਰਟ ਤੋਂ ਵੀ ਕਮਾਈ ਕਰਦਾ ਹੈ। ਉਹ ਇੱਕ ਮਹੀਨੇ ‘ਚ 80 ਲੱਖ ਰੁਪਏ ਤੋਂ ਵੱਧ ਕਮਾ ਲੈਂਦਾ ਹੈ ਤੇ ਇਸ ਤਰ੍ਹਾਂ ਉਸ ਦੀ ਸਾਲਾਨਾ ਆਮਦਨ 12 ਕਰੋੜ ਰੁਪਏ ਤੋਂ ਵੱਧ ਹੈ।

Diljit Dosanjh Car Collection- ਦਿਲਜੀਤ ਦੋਸਾਂਝ ਲਗਜ਼ਰੀ ਕਾਰਾਂ ਦੇ ਵੀ ਸ਼ੌਕੀਨ ਹਨ। ਉਨ੍ਹਾਂ ਨੂੰ ਇਕ ਤੋਂ ਇਕ ਮਹਿੰਗੀ ਕਾਰ ਮਿਲੇਗੀ। ਉਹ ਮਰਸਡੀਜ਼ ਬੈਂਜ਼ G63 ਦਾ ਮਾਲਕ ਹੈ ਤੇ ਇਸ SUV ਸੈਗਮੈਂਟ ਦੀ ਕਾਰ ਦੀ ਕੀਮਤ ਲਗਭਗ 2.45 ਕਰੋੜ ਰੁਪਏ ਦੱਸੀ ਜਾਂਦੀ ਹੈ।

ਦਿਲਜੀਤ ਕੋਲ ਇੱਕ ਪੋਰਸ਼ ਕੈਏਨ ਵੀ ਹੈ, ਜਿਸਦੀ ਕੀਮਤ ਲਗਭਗ 1.92 ਕਰੋੜ ਰੁਪਏ ਹੈ। ਇਸ ਤੋਂ ਇਲਾਵਾ ਉਸ ਕੋਲ ਫੇਰਾਰੀ, ਔਡੀ ਤੇ ਵੋਲਵੋ ਕਾਰਾਂ ਹਨ। ਉਸ ਕੋਲ 67 ਕਰੋੜ ਰੁਪਏ ਦੀ BMW 520D ਤੇ 28 ਲੱਖ ਰੁਪਏ ਦੀ ਮਿਤਸੁਬੀਸ਼ੀ ਪਜੇਰੋ ਵੀ ਹੈ।

ਦਿਲਜੀਤ ਦਾ ਘਰ- ਮੁੰਬਈ ‘ਚ ਉਨ੍ਹਾਂ ਦਾ ਇਕ ਆਲੀਸ਼ਾਨ ਘਰ ਹੈ ਤੇ ਲੰਡਨ ‘ਚ ਵੀ ਉਨ੍ਹਾਂ ਦਾ ਘਰ ਹੈ। ਦਿਲਜੀਤ ਨੇ ਕੈਲੀਫੋਰਨੀਆ ‘ਚ ਇੱਕ ਡੁਪਲੈਕਸ ‘ਚ ਵੀ ਇਨਵੈਸਟ ਕੀਤਾ ਹੈ, ਜਿਸਦੀ ਕੀਮਤ ਲਗਭਗ 6.4 ਕਰੋੜ ਰੁਪਏ ਹੈ।

ਉਨ੍ਹਾਂ ਦਾ ਖਾਰ ‘ਚ ਸਥਿਤ ਇੱਕ ਅਪਾਰਟਮੈਂਟ ਦੀ 12ਵੀਂ ਮੰਜ਼ਿਲ ‘ਤੇ ਇੱਕ ਫਲੈਟ ਹੈ ਜੋ ਕਿ 4 ਬੈੱਡਰੂਮਾਂ ਦਾ ਹੈ। ਇਸ ਦੀ ਕੀਮਤ 10-12 ਕਰੋੜ ਦੱਸੀ ਜਾ ਰਹੀ ਹੈ। ਦਿਲਜੀਤ ਦੀ ਲੁਧਿਆਣਾ ਦੇ ਦੁੱਗਰੀ ਫੇਜ਼ 1 ਵਿੱਚ ਜਾਇਦਾਦ ਹੈ।